वामदेवका लागि राजीनामा दिए रामवीरले

  • प्रकाशित मितिः आश्विन, 23, 2075
  • पहिलो किताब संवाददाता

काठमाण्डौ / वामदेव गौतमलाई उप–निर्वाचन गराई सदनमा लागे नेकपाका नेताहरुको प्रयास सफल हुने भएको छ । वामदेवका लागि स्थान खुलाउन नेपाल कम्युनिष्ट पार्टी (नेकपा)का सांसद तथा काठमाडौं–७ का प्रतिनिधि सभा सदस्य रामवीर मानन्धरले पदबाट राजीनामा दिएपछि वामदेवको सदन जाने वाटो खुलेको हो ।

मंगलबार काठमाडौंको विजुली बजारमा पत्रकार सम्मेलन गरी रामवीरले संसद सदस्य पदबाट राजीनामा दिएको घोषणा गरेका छन् । उनले भने ‘पार्टीले भने बमोजिम मैले राजीनामा दिएको हुँ।’

वामदेव गौतमले तत्कालीन एमाले–माओवादी केन्द्रको गठबन्धन र पार्टी व्यवस्थापनमा प्रभावकारी भूमिका खेलेकाले उनको उपस्थिति सदनका लागि आवश्यक रहेको वताएका छन् । कम्युनिष्ट पार्टीको स्थिर सरकार रहेको र वामदेवले कम्युनिष्ट पार्टीको चुस्त व्यवस्थापनमा भुमिका खेल्ने भएकाले सदनमा आवश्यक रहेको उनले दावी समेत गरेका छन् ।

उनले प्रचण्डलाई राजीनामाको स्वीकृति पत्र बुझाएको समेत पत्रकार सम्मेलनमा जानकारी गराए । ‘प्रचण्डजीलाई स्वीकृति पत्र दिएको छु। भोलिको सचिवालय बैठकले निर्णय गर्छ र त्यसपछि सभामुखलाई राजीनामा बुझाउँछु।’ संसदीय निर्वाचनमा काठमाडौं ७ मा नेकपाका मानन्धरले १८ हजार १ सय २ मत ल्याएका थिए। कांग्रेसको समेत समर्थनमा उमेद्धार बनेका राप्रपाका विक्रम थापाले १० हजार ७९ मत ल्याएका थिए ।

नेवार समुदायको बाक्लो जनसंख्या रहेको काठमाडौं ७ मा रामवीर लोकप्रिय छन्। प्रतिनिधिसभा छाडे बापत् आफूलाई राष्ट्रिय सभामा मनोनित गर्नुपर्ने र मन्त्री बनाउनुपर्ने सर्त मानन्धरले दाहाल र वामदेसँग राखेको राजनितिक वृत्तमा चर्चा चलेको छ ।



पहिलो किताब मिडिया प्रालिद्वारा सञ्चालित

कम्पनी दर्ता नं. १७८०४९/०७४/७५

स्थायी लेखा नं. ६०६८५३१८१

सूचना विभाग दर्ता नं. ६००/०७४/७५

प्रेस काउन्सिल दर्ता नं. ८१०/२०७४/०७५

इटहरी उपमहानगरपालिका, सुनसरी

मोबाइल नं.: ९८५२०६३५३७

इमेल: [email protected]

वेबसाइट: www.pahilokitaab.com

प्रबन्ध निर्देशकः चन्द्रमणि कट्टेल

प्रधान सम्पादकः नवराज कट्टेल

मल्टिमिडियाः प्रमिला दुलाल

संवाददाताः आयुशा कोईराला

Copyright © 2017 - Pahilokitaab.com All rights reserved